Klipi ka një fabul dashurie që lihet në mes dhe në këtë rast është mashkulli ai që ikën.

Ndërsa reperi Noyzi si duket i ka pëlqyer aq shumë shprehja ‘Plaku i Viti të Ri” , nga shija e videos me Tunës, saqë edhe këtu në tekst të këngës me Enin e përdor ende.

Use Facebook to Comment on this Post

“Me dhane shume detyra shtepie gjate gjithe semestrit, ndaj dhe sulmova sajtin e Ministrise se Arsimit”, deklaoi 13-vjecari nga Kina.

Zedhensi i Ministrise se Arsimit ne Kinen Jugore, Gkouantongktis, deklaoi: “Tekniket e webit, si dhe sistemi i sigurise, me te kuptuar se sjati po “silmohej” nga nje HP i pa identifikuar, menjeher e nxorren ate jashe funskoinit, kjo per te veituar cdo problem,me vone cdo u rikthye ne normalitet”.Burimi albobserver.com

Use Facebook to Comment on this Post

Skuadrat zhvilluan një gjysmë të parë mjaft dinamike dhe një lojë të bukur për sy, megjithatë rrjetat heshtën.Mysafirët e filluan më mirë takimin duke bërë presion te skuadra vendase, mirëpo në vazhdim presioni kalonte sa në një anë, ashtu në anën tjetër, ndërsa zviceranët patën disa raste shumë të mira shënimi, por fati nuk ishte në anën e tyre.

Edhe në gjysmën e dytë skuadrat zhvilluan lojë të hapur, duke qenë se kërkonin të shënojnë.Bavarezët ishin më dominues në këtë fraksion të lojës duke tentuar që me anë të një goli t’ia lehtësonin vetes punën për ndeshjen e kthimit, porse nuk arrinin të shënojnë. Ndërsa njëkohësisht edhe lojtarët e Baselit mezi prisnin rastin e tyre për të shënuar.

Dhe këtë arritën ta bëjnë në periudhën e fundit të ndeshjes. Një pasim i mrekullueshëm i Jacques Zoua e gjeti para portierit të inkuadruarin në pjesën e dytë, Valentin Stocker, i cili shënoi golin e fitores (86’).Ky rezultat lë gjithçka të hapur për ndeshjen e kthimit. Derisa Bayern Munichu do të ketë në favor tifozët dhe stadiumin, Baseli ka të shënuar një gol dhe nuk ka pranuar gol në terren vendas.

Vlen të përmendet se nga minuta e parë në këtë takim luajtën dy shqiptarët që mbrojnë ngjyrat e Zvicrës, Xherdan Shaqiri dhe Granit Xhaka. /Telegrafi/

Basel – Bayern Munich 1:0 by FootballKing1992

Use Facebook to Comment on this Post

Sfida nga fillimi ishte e bllokuar, me pak raste shënimi, kryesisht e dominuar në posedim nga francezët, por rastet u takuan italianët të cilët hynë me një formacion të ndryshuar, me startues Zaraten dhe Forlan.

Sneijder bëri përpjekje të vazhdueshme që të vë në pozitë shënimi Forlan, i cili ishte shumë pranë golit, por ishte portieri Steve Mandanda ai që ndali gjithçka. Në fund Marseille bëri presion të shtuar ndaj Nerazzurëve, por për dallim prej sfidave tjera, reparti defensiv zikaltër ishte shumë në nivel.

Në fund të takimit Ayew rrezikoi me një goditje të rrezikshme, por Julio Cesar u tregua heroik duke menduar se mbajti në lojë Interin. Sidoqoftë Ayew realizoi me kokë për 1-0 në kornerin e fundit në minutën e tretë shtesë (90’ + 3).

Pas dy javësh zhvillohet sfida kthyese në Giuseppe Meazza ku francezët kanë përparësinë, ku Interi do të kërkojë fitoren, por do të luajë me rrezikun që Marseille të shënojë si mysafir. /Telegrafi/

Use Facebook to Comment on this Post

Ka mbërritur dje në portin e Durrësit, aty ku 500 vjet të shkuara u largua familja e Skënderbeut e ka udhëtuar më pas drejt Krujës.

Emri e lidh pashmangshëm me Skënderbeun. Është pasardhës i heroit kombëtar nga linja e Napolit. Zyrtarisht njihet edhe linja e Leçes, ndërsa ka shumë të tjerë që abuzojnë me këtë emër.

Me ftesë të drejtorit të Institutit Kombëtar të Diasporës në Ministrinë e Jashtme, z. Roland Bimo, do të njohë nga afër vendin e të parëve. Ka mbërritur rreth orës 10.00 në Tiranë dhe pak më pas ka udhëtuar drejt Krujës. Nuk i përshkruante dot emocionet e kësaj vizite të parë.Sot do të udhëtojë drejt Peshkopisë, ku me mbështetjen e kryetarit të bashkisë, Ilir Korsit dhe kryetarit të qarkut, Naim Gazidede, do të zhvillohen edhe festimet kryesore pranë shtatores së Skënderbeut në këtë qytet, realizuar dy vjet më parë nga artisti Sadik Spahiu me mbështetjen e Zaim Krosit.

Një udhëtim në fshatin e vendlindjes së paraardhësve në Sinë dhe pastaj udhëtimi drejt Dibrës së Madhe, ku do t’i presë kryetari i bashkisë, Argëtim Fida. Aktivitetet do të vazhdojnë me një pritje të ministrit të Jashtëm, z. Haxhinasto e më tej Giorgio (Xhorxho) do të shkojë në Arkivin e Shtetit për të dorëzuar dokumentin e pemës gjenealogjike të familjes marrë nga Arkivat e Këshillit të Konsultës Araldike.

Në një intervistë për gazetën “Shqip”, Giorgio Maria Castriota Scanderbeg tregon historinë e tij dhe të familjes.

Kjo është hera e parë që ju vizitoni Shqipërinë. Cilat janë ndjesitë apo mendimet që ju vijnë?

Hera e parë është një ndjesi shumë e veçantë. E pres këtë moment prej më shumë se 55 vjetësh. Emocionet janë të pafundme. Kam jetuar me to gati një muaj më parë, kur Ylli Polovina, me të cilin jam njohur më herët në Itali, më tha se mund të ishte mundësia të udhëtoja drejt Shqipërisë me një ftesë zyrtare. Kjo më nderoi shumë. Shpresoj të jem në lartësinë e duhur të përfaqësoj denjësisht familjen time Kastrioti Skënderbe në vendin nga i cili u nisëm 500 vjet më parë. Shqipëria do të ishte i vetmi vend ku nuk do të vija këmbë nëse nuk do të kisha pasur ftesë zyrtare, dhe kjo jo për të fituar një lavdi të kotë. Ne na dallon nga të tjerët fakti që kemi pasur fatin të lindim Kastrioti Skënderbe dhe duhet ta prezantojmë denjësisht figurën e tij. Mundësinë për të ardhur zyrtarisht në Shqipëri ne e kemi pasur. Familja është përfaqësuar nga xhaxhi im, i cili së bashku me kushërirën time, Maria Luisa kanë ardhur me Urdhrin e Maltës për të sjellë ndihma në ditët e vështirat të vitit 1997. Kjo i paraprinte një vizite zyrtare. Unë ecja me pasaportën në xhep në pritje që të dilte çasti i duhur për të ardhur e për të parë tokën tonë. Janë çështjet historike që na kanë detyruar të mos vijmë. Duhet ta pranoj se këtu Skënderbeu është një hero kombëtar, por në Itali është keqtrajtuar figura e tij. Unë mendoja se ishte e drejtë të fillonim të bënim një emigracion nga e kundërta. Kjo do të thotë se është Skënderbeu që rikthehet në shtëpi dhe kthehem së bashku me gruan time Stefania. Të vegjël mendonim se nuk do të mund ta vizitonim kurrë këtë vend. Na dukej se ishte i ndaluar për njerëz normalë, e jo më pastaj për ne që mbanim këtë mbiemër. Ndiheshim si në ekzil, por tani ndihem si në shtëpinë time. Unë vij nga një familje që nuk ka kërkuar asnjëherë të shpërfaqet. Ne nuk duam gjë tjetër, veçse të themi se ekzistojmë.

Për të gjithë lexuesit, a mund të na sqaroni degën familjare përmes së cilës ju jeni pasardhës i Skënderbeut? Pas vdekjes së Skënderbeut në vitin 1468, familja (Gjoni me të ëmën Donikën) u transferua në Mbretërinë e Napolit. Falë marrëdhënieve të mira dhe ndihmës që Skënderbeu i kishte dhënë kësaj mbretërie, mbreti Ferdinand i Aragonës i ktheu respektin familjes. Si në çdo familje tjetër, në vitet që pasuan lindën shumë fëmijë, disa prej të cilëve zgjodhën rrugën e tyre për të mos qëndruar në Napoli. Ne jemi trashëgimtarë nga Achille Scanderbegh (Akilit). Ne jemi linja e Napolit. Ekziston edhe linja tjetër trashëgimtare e Leçes me Alessandro Scanderbegh (Aleksandër Skënderbe) nga Pardo. Ne nuk e mohojmë. Të dy jemi Kastrioti Skënderbe, të dy jemi krenarë që jemi përfaqësues të heroit të madh. Nuk kemi marrëdhënie të ngushta me ta, por s’ka vend as për aludime të tjera. Më duket e parëndësishme të thuash që unë jam trashëgimtar direkt e tjetri indirekt. Sipas dokumenteve që ne zotërojmë, të thuash që unë jam direkt apo indirekt më duket e parëndësishme. Por për të shpjeguar këtë rast, po marr një shembull të thjeshtë. Unë kam dy djem: Filipo Maria Kastrioti Skënderbe dhe Aleksandro Maria Skënderbe. Nëse djali i madh, Filipo nuk do të mundet të ketë fëmijë ose nuk do të ketë fëmijë meshkuj, të drejtën e pasardhësit do ta gëzojë Aleksandri. Ne rrjedhim nga një familje së cilës më 1945, me vdekjen e trashëgimtarit direkt Françesko, i kaloi nderi për të përfaqësuar Skënderbeun. Në këtë linjë, unë jam i fundit trashëgimtar deri sa kjo t’i kalojë djalit tim, Françeskos. Të gjitha këto që po them janë të dokumentuara në Arkivat e Romës, lehtësisht të verifikueshme.

Gjatë këtyre viteve ka pasur shumë persona që kanë pretenduar apo e kanë shpallur veten pasardhës të familjes së heroit kombëtar. Jeni në dijeni edhe ju?

Përmes internetit fillova të lexoja pasaktësi për sa i përket familjes Kastrioti Skënderbe dhe fillova të rebelohesha. Ne nuk kërkojmë asgjë, por historia duhet të respektohet. Unë përfaqësoj trashëgiminë aktuale direkte të heroit shqiptar. Shpresoj që vetëm në nivel emri të jemi të nderuar që i përkasim atij dhe të tregojmë se i përkasim. Ndaj kam sjellë me vete një broshurë që përmban tre dokumente: Janë pemët gjenealogjike të familjes, njëra prej tyre e njohur më 1910 edhe nga Arkivi i Këshillit të Konsultës Araldike (familjet fisnike), të cilat do t’i dorëzohen Arkivit Qendror Shtetëror.

Ju thatë se Skënderbeu është i keqtrajtuar në Itali. E thoni këtë krahasuar me kontributin e tij për këtë vend?

Kultura italiane ndaj figurës së Skënderbeut është indiferente. Ai është një hero që i ka dhënë shumë jo vetëm Shqipërisë, por gjithë Europës, por fatkeqësisht nuk është i vlerësuar ashtu si në vendin tuaj, madje më lejoni të them, në atdheun tonë. Në Itali, ne të familjes Kastrioti Skënderbe jemi njerëz normalë, ashtu siç është e drejtë të jemi: punëtorë dhe prindër. Roma ka sheshin “Albania” me monumentin e Skënderbeut, po aty është edhe pallati i famshëm me emrin e tij, i cili duhet të ishte një vend ku të tregoheshin marrëdhënien e shkëlqyera italo-shqiptare, por për fat të keq atje është muzeu i makaronave. Është i pashpjegueshëm për mua fakti pse nuk ka njohje për figurën, njeriun dhe historinë e Skënderbeut. Kjo ndoshta vjen edhe për faktin se politikani i vërtetë sot në Itali ndoshta nuk ekziston, sepse politikani historik kulturalisht ishte shumë i përgatitur. Unë vet ndjehem i papërgatitur përballë Skënderbeut nga i cili rrjedh, imagjinoje ai që nuk ka asnjë lidhje, çfarë mund të dijë për të. Historia e një heroi që ka punuar shumë për Europën sot nuk njihet, përveçse nga arbëreshët apo nga ata me origjinë arbëreshe. Sigurisht që nëse takoni djalin tim, ai do t’u përgjigjet.

E meqenëse flasim për arbëreshët, ata janë ende dëshmi e gjallë e asaj që ndodhi në vitet ‘500. Si janë raportet tuaja me ta?

Arbëreshët përfaqësojnë historinë dhe traditat që sipas meje, nuk gjenden më këtu, edhe pse nuk mund të flas me siguri për Shqipërinë. Ata flasin ende shqipen e vjetër, janë krenarë, të mrekullueshëm dhe kanë gjak shqiptar, që rrjedh në mënyrë të vrullshme. Kontaktin e parë që kam pasur me arbëreshët ka qenë vitin e shkuar. Patëm nderin të ftoheshim nga Portocannone (Porkanun) në një festë të përvitshme, ku na trajtuan shumë mirë. Do të ishim edhe këtë vit, po të mos kishim marrë ftesën për në Shqipëri, në të cilën nuk mund të mungoja. Doja të sillja edhe djemtë, por do të ishte e ekzagjeruar.

Do të udhëtoni në Krujë, në Peshkopi, në Dibër të Madhe. Çfarë prisni të gjeni në këto qytete?

Krujën e konsideroj si qytetin tim. Një vizatim i saj qëndron përballë tryezës sime të punës së bashku me një flamur shqiptar dhe shqiponjën. Do të më duhet t’i vizitoj më parë e pastaj të flas.

A trashëgoni objekte me vlerë historike nga familja, libra apo dokumente?

Ruaj ende një pikturë të shkëlqyer të Skënderbeut. Në fakt është e vendosur te shtëpia e Nënës në Napoli, por më përket mua. Ruaj po ashtu edhe një pikturë që motra e gjyshit tim Ferdinandos donte ta sillte si dhuratë në dasmën e Mbretit Zog. Më kanë treguar se Mbreti Zog kishte pasur mundësinë të martohej me një pasardhëse të Skënderbeut që ishte halla ime, Matilda. Kjo lidhje nuk u bë, nuk e di as se pse dhe nuk dua të ngatërrohem. Por Matilda, kur u martua Mbreti Zog, kishte ndërmend t’i dërgonte një pikturë që përfaqësonte Skënderbeun si luftëtar. Nuk pati guximin ta dërgonte, sepse kishte thënë se e kishte realizuar vetë, por në fakt ishte e një piktori tjetër. Janë gjëra të vogla të familjes. Janë edhe disa tekste të 1800-s që dëshmojnë për vazhdimësinë e dinastisë Skënderbe.

Çfarë angazhimi keni ju në jetën e përditshme?

Një ditë e zakonshme e jona, nëse nuk do të ishim në Tiranë, do të na gjente më Napoli ose Kazertë ku jetojmë. Në idenë e vjetër, princat jetonin në një botë ekstravagante, plot me luks. E jona është një jetë normale. Unë jam drejtor i një banke, ndoshta jam më mirë se të tjerët, por ka edhe më të mirë se unë. Bashkëshortja ime Stefania është e zonja e shtëpisë dhe administron familjen. Të premten, deri në orën 14:00, kam punuar në bankë duke paguar çeqe, mora skuterin (është kali im) dhe u ktheva në shtëpi. Psikologjikisht u përgatita të marr një tjetër pozicion dhe shpresoj të përfaqësoj denjësisht familjen time.

Çfarë do të merrni me vete kur të ktheheni?

Gjithçka, mendoj se nuk do më mjaftojnë lekët (Qesh). Do marr me vete kujtimin më të mirë. Sapo arrita, më njoftuam se do të kem takime të ndryshme dhe aktivitete që në njëfarë mënyre do të përcillen mediatikisht, duke e bërë më të njohur familjen time. Unë dua që të gjithë të kuptojnë që nuk kam ardhur të bëj asgjë, veçse të prek me këmbët e mia territorin shqiptar, qytetin tim Krujën, fshatin e origjinës Sinën dhe është lumturi e pashpjegueshme. Kush nuk quhet si unë, nuk mund ta kuptojë.

Burimi:albobserver.com

Use Facebook to Comment on this Post

I lindur në vitin 2006, Twitter renditet në këtë mënyrë, në rrjetin e dytë shoqëror më të preferuar në internet.

Ndërsa të dhënat e dala në prill të vitit të kaluar, flisnin për 100 milionë përdorues të regjistruar, në shtator kjo shifër rezultoi që të ishte dyfishuar, duke arritur në 200 milionë të tillë në mbarë botën.

e.t/NOA

Use Facebook to Comment on this Post

Ndërsa gjithë të tjerët, kanë veshur gjëra të bardha, ajo ka preferuar të jetë “delja e gjelbër” e kësaj tufe të njerëzve të rëndësishëm të botës.

Fotoja e veçantë është bërë në një takim të ministrave të Jashtëm të samitit të grupit të 20 vendeve të të fuqishme të botës, zhvilluar në Los Cabos, Meksikë.

Në fakt, Departamenti amerikan i Shtetit, njoftoi se nuk ishte në dijeni të një kodi të veçantë të veshjes për këtë rast…

e.t/NOA

Use Facebook to Comment on this Post

Në mënyrë të konsiderueshme, janë shtuar përdoruesit të cilët i bëjnë të njohur shokët që kanë në rrjetin e njohur shoqëror, krahasuar me dy vjet më parë.

Prirje kjo, e nxitur nga rritja e vëmendjes së Facebook-ut, që nga viti 2010 mbi politikat e tij private.

Por edhe ndërgjegjësimin në rritje që palët e treta mund të mësojnë shumë për një person, nga ai me të cilin ai është i lidhur në rrjetin shoqëror të Facebook-ut.

Ky fakt është konstatuar nga studiuesit në Institutin Politeknik të universitetit të Nju Yorkut, sipas të cilëve ka një prirje në rritje të përdoruesve, që po i ruajnë të dhënat mbi kontaktet e tyre, nga frika, se mund të zbulojnë vetveten.

Për studimin, ekipi përkatës hulumtoi 1.4 milion përdorues të Facebook-ut në qytetin e Nju Jorkut, në mars 2010 deri qershor 2011, për të përcaktuar ndryshimet në mënyrën e përdorimit të informacioneve prej tyre në këtë rrjet shoqëror.

Statistikat treguan se në mars të vitit 2010, 82.7 për qind e përdoruesve kishte lista të shkueshme të shokëve në Facebook. Ndërsa deri në qershor të vitit 2011, kjo shifër u zvogëlua në 47.4 për qind.

Use Facebook to Comment on this Post

Në pjesën e parë të stërvitjes, të nisur në orën 10, trajneri bardhezi është fokusuar tek ana teknike. Më pas ata janë ndarë në skuadra të vogla duke zhvilluar disa ndeshje kontrolli. Pas dy orësh stërvitje, skuadra ka bërë pushimin e drekës dhe më pas ka filluar seancën e dytë.

Tekniku Conte ka të gjithë organikën në dispozicion. Vetëm Luca Marrone po punon i veçuar nga grupi tjetër i futbollistëve, duke vazhduar rikuperimin e tij. Megjithatë, mesfushori i ri nuk shihet si një alternativë për të shtunën, pasi përpara tij janë Vidal, Marchisio, Pirlo dhe Padoin. /albeu.com/

Use Facebook to Comment on this Post

Marko Marin, kontrata e të cilit me klubin e Bundesligës gjermane skadon në qershorin e 2013-ës, kërkohet edhe nga skuadra italiane e Inter, e cila ka kohë që interesohet për shtatshkurtin gjerman, por që tani do ti duhet të mundë edhe konkurrencën e klubeve të Premier League. /albeu.com/

Use Facebook to Comment on this Post